Carlos Alba “Cellero”
Llázaro de Tormes
15 Noviembre 2013 – 20 horas Valey Teatro
Entradas: 4 euros
“La vida de Lazarillo de Tormes y de sus fortunas y adversidades”, más conocida comu´l Lazarillo de Tormes, novela asoleyada nel sieglu XVI (año 1554), y d´autor entá desconocíu, ye ún de los cumales de la lliteratura española, que entama´l xéneru nomau novela picaresca.
LLAZARO CIEGO
Persíguese caltener el fondu popular y folclóricu del orixinal, tamién una llingüa guapa y prestosa. Llázaro de Tormes, que nel momentu de la representación ye pregoneru de los vinos del Arcipreste de San Salvador, cuenta les sos “picardíes” col envís de xustificar la so vida, y faciendo de paso un retratu coñón de la sociedá de la so época. La comicidá y la complicidá col públicu tan presentes nel montaxe, ensin descuidar la calidá lliteraria del textu.
LLAZARO CLÉRIGO
Llázaro, d´oficiu pregoneru, ye un paisanu de palabra fácil y posada, un “monologuista” natural.
El textu ye una crítica a la sociedá española daquella, compuesta mayormente por clases pasives: el ciegu mendicante, el clérigu, el fidalgu arruinau, el bulderu, l´aguacil, l´arcipreste…
“Esti monólogu quier tresmitir, d´una manera prestosa y senciella, un mundu que entá reconocemos cuatro sieglos y medio depués. Averar al nuesu tiempu y al nuesu espaciu un textu que, a pesar de la so popularidá, puede ser dalgo desconocíu.” Felipe Santiago.
Obra subvencionada pola Conseyería d´Educación, Cultura y Deporte del Principau d´Asturies.
Torna, Versión ya Interpretación: Carlos Alba “Cellero”
Dirección escénica: Felipe Santiago
Revisión llingüística: Milio Rodríguez Cueto
Diseñu ya igüa de vestuariu: Nati García
Diseñu y técnicu de lluces: Xame Santos
Diseñu de Cartel: Felipe Santiago,Vanessa Peña y Pedro Díaz
Gaita: Milín (Xuan Milio Prendes)
Promoción y Asesoramientu pedagóxicu pa Secundaria: Vanessa Peña
Semeyes: Pedro Díaz / Producción: ACostuBaxo Teatru
Realizaciones: Alfonso Bretones y Fernando Flórez (carreta), Botería del Aguila (pelleyos), Taller Légamo-Isabel Sánchez (cerámica), Dani Rozada (bandurria),, Vezos y Costumes (montera y coricies), PYM (cartelos y cartafueyos)
Son de bandurria: Tradicional asturianu
Música: Marcha procesional de Balmonte de Miranda y Muñeira de Boal
Llingüa: Asturiano (Ufiértase tamién versión en castellán: enlaz)
