LES MUYERES SÍ CUENTEN (aunque nun lo cuenten)
Histories Sonores – Dúo Amati
Lugar: AAVV Santiago del Monte
Fecha: 18 de septiembre 2026 a las 20:00
Público objetivo: Adulto/ Familiar
Género: Narración Oral
Duración aprox.: 45 minutos
Autor/a del texto: Aique Fernandi
Sinopsis:
Si miramos los llibros de textu colos qu’estudien los neños nes escueles y institutos, los únicos héroes y líderes son los homes, los únicos pintores, músicos o escritores son los homes, los únicos científicos son los homes. Eso nun ye verdá, o polo menos nun ye asina del too. Nada de lo que pasó y pasa na historia de los pueblos y les civilizaciones podría tener sucedío ensin el llabor silente de les muyeres. Y amás, en teniendo media oportunidá, les muyeres siempres sacaron a pasear el so remangu, la so decisión, el so valor y el so talentu. Si nun lo ficieron más foi pola bota del patriarcáu que les quería callaes, obedientes y en casa pa sirvir al home; y por ello ye que gastaba munchu esfuerzu y tiempu en convenceles de que yeren seres encantadores pero inferiores. Asina y too, la historia, mesmo n’Asturies, tienmos dexao un bon garapiellu de muyeres que saltaron a la historia con lluz propio. Ye’l casu d’escritores y filántropes como Xosefa Xovellanos, de filólogues y cuentistes como María Xosefa Canellada, d’ames de casa y revolucionaries como Anita Sirgo, d’iconoclastes como Marica Andayón, d’investigadores como Margarita Salas.
Esta serie de cuentos pal públicu de toles edaes en xeneral, y pa la rapacería del segundu ciclu de secundaria en particular, quier dar a conocer a eses muyeres asturianes que contribuyeron a facer el mundo que tenemos dende les lluces o les solombres de la historia. Les neñes y muyeres anguaño necesiten estes figures onde poder mirase. Los neños y los homes necesiten conoceles entá más pa saber qué sitiu tenemos toos y toes na sociedá y nun cayer en zunes del pasáu qu’entá resquemen nel presente. Los cuentos son obra d’Aique Fernandi y l’ambiente y la música qu’endolquen les histories pónenlos el Dúo Amati.
