ENTE TONAES Y CANCIOS
Lugar: El Foxaco – AA.VV. Pillarno
Fecha: 25 de septiembre 2026 a las 19:00
Público objetivo: Familiar
Duración: 90 minutos
Género: Cultura Sidrera
Sinopsis:
La cultura sidrera ye un ritual social, un alcuentru comunitariu onde se comparten histories y cancios. Non se puede dexar atrás que el escanciau ye diferente cuando va acompañau d’una Tonada, de la gaita y el tambor, y de unos cancios: eso ye lo que lo fae único. Asina en d’ellos casos, ye como se fue tresmitiendo La Tonada y les sabencies hasta güei. Con esti proyeutu, pretendemos que la cultura sidrera y la nuesa música por excelencia sigan diendo siempre de la mano.
Desde AICA queremos que con esti proyeutu, la xente participe con nosotros y se sume a esti ritual que nos fae únicos. Ye, a más, un atractivu turísticu. La tonada, cancios, gaita y tambor al rodiu de la sidra, refuerza el so papel d’identidad asturiana y ayuda a la divulgación entre visitantes y xente moza que con ello adquieren un sentimientu de pertenencia a esti el nuesu país.
Ente Tonaes y cancios faenlu 4 intérpretes: 2 cantores de Tonada (muyer y home), xunto a gaita y tambor. N’esti festexu fadranse canciones d’arreu, soberanes, dialogaes,… interpretaes por los cantores oficiales y de xuru, que daquien de la xente que ta presente va xunise al corru. La gaita fadrá el acompañamientu de los cantores y, a más, col tambor, daremos relevancia a la tan entrañable y casi desapaecía, pareya de gaita y tambor.
Será asina como pretendemos que la xente salga enorgullecía de les sus costumes, de la su música, de la cultura d’Asturies y sientan l’arguyu de que formen parte d’ello.
