Grupu de Teatru de Carbayín
“Ello yera una vez…” de José Ramón Oliva Alonso
3 de Mayo 2013 – 20 horas Valey Teatro
Día de las Lletres Asturianas
Entradas: 4 euros
Venta de entradas en la taquilla de Valey Centro Cultural el 3 de Mayo de 17 horas hasta comienzo de función y en http://www.valeycentrocultural.org desde el 23 de Abril.

Comedia a metá de camín ente l’humor y la tenrura sobre la vida d’unos neños na Asturies de 1947, nun pueblu asturianu. A traviés de delles hestories, independientes y a la vez rellacionaes ente sí, descubrimos como vivíen y xugaben, qué ilusiones teníen. La obra tendrá una bona carga de señaldá p’aquelles persones que vivieron aquella dómina y munchu interés pa los que nun la vivieron.

La hestoria rueda alredor de la revolución que provoca nun zarráu círculu d’amigos la llegada d’una nueva neña al pueblu, fía de la maestra. Los neños descubren d’esta forma sentimientos como l’amor, los celos… Too ello rodiao de munchu humor.

La obra ruempe colos cánones costumistes, como ye siempre l’estilu de Carbayín, pero a la vez tien un componente costumista difícilmente vistu en denguna otra obra d’esti o otros grupos: Na veráse “l’antroxu”, “l’aguilandu”, animales fantásticos netamente asturianos como “los cordobeyos”, una hestoria de “ayalgueros”…

Con una cuidada ambientación, asesorada por persones que vivieron la dómina, púnxose gran empeñu nel vestuariu y atrezzo de los artistes que representen neños, llogrando d’esta forma una obra de gran espresión plástica.

En definitiva, humor, tenrura, señaldá y costumismu nesta nueva obra de Teatru Carbayín, estrenada en marzu de 2009.

Ficha Artística (Por orde d’apaición):

Guillermo Suárez, José Ramón Oliva, Nati Fernández o Aida Castañón, Mª Emilia Rodríguez o Reyes Fernández. Voz n’off: Alain Fernández

Ficha Téunica:

Illuminación: Luis Angel Oliva

Soníu: Luis Angel Oliva

Decoraos: Angel Mario Ordiales y Nacho Villar

Vestuariu: Maria Teresa Balmori y Maria del Mar Balmori

Música: Xentiquina

Direición: José Ramón Oliva