Muyeres y Factoría Norte
Inda Suenen
21 de Enero 20 horas Valey Teatro
Circuito de Teatro
Subvencionada al 60%
Entrada: 5 euros
Venta de entradas en la taquilla del Valey Centro Cultural el 21 de Enero de 17 horas hasta comienzo de función y en http://www.valeycentrocultural.org desde el 19 de Enero
L’Asociación Música Tradicional MUYERES y la Empresa de Producción Artístico-Teatral FACTORÍA NORTE presenten:
INDA SUENEN representa un rompimientu coles formes de presentación ufiertaes davezu polos grupos de música tradicional n’Asturies. Supón un apueste novedosu no que se refier al tratamientu de la lluz, el soníu, l’encontu audiovisual y el movimientu escénicu. L’ausencia de presentaciones y la presencia na obra de l’actriz Ana Morán, interpretando testos de Susana Sela y Borja Roces como filu que va empobinando tola hestoria, perfái’l calce necesariu para llegar a los sentimientos de los espectadores y tresmitir les emociones presentes en caúna de les pieces. Too ello ensin perder lo que supón l’oxetivu y razón de ser de Muyeres, vindicar y da-y valor al papel de la muyer na sociedá tradicional como creadora y tresmisora de cultura, como guardesa d’una llargu saber popular, intentando derromper los estrenchos espacios onde bien de veces tuvo metida.
Trátase d’un entamu nuevu desarrolláu a partir d’una idea orixinal de Marisa Luque, con direición musical de Constantino Menéndez y direición escénica de Borja Roces. Les 25 pieces escoyíes del abondante repertoriu de Muyeres representen la diversidá y la bayura de la tradición musical asturiana. Interprétenles 17 “muyeres”, destacando voces solistes como Mari Luz Cristóbal Caunedo, Mavisa Miravalles, Lucía G. Palomares, Leticia González y Mónica Menéndez, acompañaes en dellos momentos por David Varela a l’acordión, Llorián García cola gaita y el violín y Celia González a la zanfona.
El resultáu son 60 minutos d’emociones y sentires: allegría, amor, desengañu, esfuerzu, relixosidá y rituales, qu’amuesen mui a les clares que “INDA SUENEN” na memoria coleutiva de la nuestra historia más recién.
